سؤال مجهول
صُبح بعد ما طلع قرار التعليم عن بعد ضضاااق صدري مررة ، جربته ودكتوراتنا ما يقدرون يشرحون زين من ازعاج بزارينهم ، طول المحاضرة صياح وصراخ 🤦🏻♀️ افكر اعتذر ، لو بمكاني راح تعتذرين؟
لا أبدا لو مكانك ما أعتذر... ولو كنت معتذرة وصارت الدراسة أونلاين برجع أسجل مخصوص... التعليم عن بعد فرصة، أنت وحدك مع جهازك في غرفتك في أريح مكان لك. و٧٠% من أشغال الدوام اللي كانت تاخذ وقتنا صارت ملغية الآن. ما تصحين قبل محاضرتك بساعتين تتروشين وتستشورين وتكوين وتلبسين وطريق وزحمة و... الحين تصحين قبل محاضرتك بخمس دقايق وتجيبين دفترك وبس... ومستحيل كل الأستاذات ما يشرحون بسبب بزارينهم ومدري ايش. تلاقين ذا الموقف صار مرة وإلا مرتين والبنات يبالغون... وترى فيه مراعاة كبيرة من أعضاء هيئة التدريس للطالبات في التعليم عن بعد... وشخصيا كنت اسجل كل محاضراتي وأنزل الرابط على محتوى البلاك بورد عشان اللي علق جهازها أو قطع اتصالها أو نامت وأنا أشرح أو صار لها أي ظرف مشتت تقدر ترجع للمحاضرة في أي وقت. ولو دكتوراتك سووا كذا بتصير عندك فرصة إن شرح المحاضرة متاح طول الوقت وترجعين له وقت الاختبارات... عندي يقين يقين تام إنه راح يكون أيسر وأخف وبالعكس فرصة جيدة لا تفوتيها