سؤال مجهول
قوليلي رأيك في دراسة طب الطوارئ لأني حابة جد ادرس طب بس بدون عمليات هل هو مناسب فكرك؟.
خط الدفاع الاول - تخصص طب الطوارئ 🚑💉 هو تخصص عبارة عن كيف توصلين المريض الى المستشفى بحالة مستقرة .. انتِ ك بارامديك بتقدرين تسوين اشياء واجد .. اشياء الدكتور يسويها في المستشفى .. اللهم انتِ بتسويها خارج المستشفى .. في وجهة نظري ؟ بعيدًا عن تفخيم التخصص .. بس انتِ رح تكوني دكتورة لكن في سيارة الاسعاف .. انتِ بتكوني الكل في الكل من بين الا في سيارة الاسعاف .. مهمتكِ هي stablize ، مابتعالجين المريض علاج كامل .. يعني نص الشغل او نقول ٤/٣ الشغل بيكون عليكِ انتِ .. التخصص جميل من نواحي كثيرة .. ووممتعة دراسته للامانه. وبتحسين في اثناء الدراسة ان كيف شعور انقاذ حياة انسان يساوي فرحة عمر.. —————— بيئة العمل: البيئة الي البارمديك راح يشتغل فيها .. هي بيئة مو سهلة بتاتًا .. تحتاج منكِ قوة قلب .. تحتاج منكِ صبر ، مسؤولية ، القدرة على التعامل مع الحالات الحرجة.. كونك بارامديك ف انتِ راح تقدرين تعطي المريض اشياء كثيرة.. منها : راح تعطينه ادوية ، راح تخيطين ، توقفين نزيف ، واشياء كثيرة يسويها الدكتور داخل المستشفى .. مجالات العمل: التخصص متعدد المجالات ويكون العمل إما في المستشفى في قسم الطوارئ ، او خارج المستشفى : ١- الهلال الاحمر ٢- الاسعاف الجوي ٣- المستشفيات " اللقب اللي راح تحصلين عليه بعد كل شهادة: باكالوريوس: اخصائي طوارئ ماجستير: اخصائي اول دكتوراه: استشاري طب طوارئ وايضًا تقدرين بعد ماتنتهين تكملين الطب البشري لمدة ٥ سنوات والجامعة السعودية الوحيدة الي تطبق هذا النظام هي جامعة الملك سعود - الرياض - —————————- مدة الدراسة هي ٥ سنوات وتقسيمها كالآتي: السنة التحضيرية + ٣ سنوات دراسة + سنة الامتياز.. اتمنى غطيت الموضوع كويس ونقلته بشكل مفهوم