بنت بتشوفها يوميًا في كل شارع مصري، في كل مواصلة، شكلها سعيدة، لابسة لبس تقليدي لأغلب البنات المحجبات هنا، مين يصدق إنها تتحول 180 درجة كليًا بداية بقلع الحجاب، أنا بحثت عنها لإني معرفهاش أصلًا، وتوقعت إني لما أبحث هلاقيها من زمان وهي بحالتها اللي ماتت بيها، بس اكتشفت إنها كانت كدة لحد 2015، يعني من خمس سنين بس . دخلت عندها على الإنستجرام من أول ما أنشأته، واضح إنها كانت بتقرأ عن حريات المرأة، وضد الأزهر، ومقتنعة إن الدين مش حل، وكانت متضامنة مع إسلام البحيري، لكنها كانت مؤمنة بالله عادي، وبتدعي لأهلها بإن ربنا يحفظهم . خمس سنين بس، حولوا فتاة محجبة لفتاة شاذة جنسيًا، فتاة بتدعي ربنا يحفظ أهلها لفتاة ملحدة، و من صور تبدو فيها سعيدة إلى الانتحار، ده أعجب تغيير ممكن يحصل في حياة البني آدم، إنه يتحول لشخص تاني خالص هو نفسه ميعرفوش، سواء رغبة في الاختلاف، أو بحث عن حاجة بتمنحها آيادي وتبعد عنك آيادي تانية . أنيس منصور في مقابلة زمان، المذيع سأله: شخص بيشتمك بس بيوجهلك انتقاد تقوله إيه، رد: انتقاده يحترم وعلى رأسي، لكن الشتيمة أنا مقبلهاش، لإنه من حقه وحريته إنه يختلف معايا، لكن مفيش حرية مطلقة، عشان تركب عربية لازم تكون مشتريها بفلوسك، ولازم لما تركبها تمشي بيها في شارع، ولما تمشي في شارع تمشي في أماكن محددة، مينفعش تمشي تموت في الناس، لإني زي ما قلت مفيش حاجة اسمها حرية مطلقة . مشكلة المشكلة نفسها، إنك عايز تاخد حاجة إنت مش مؤمن بيها، الدين مفيهوش تفصيص، ولا فِصال، إحنا مش في سوق، اللي على مزاجك هتشتريه واللي مش عاجبك هتسيبه، في آية نادرًا لما بشوف حد بيتكلم فيها حتى الشيوخ نفسهم في سورة الأحزاب بتقول: "وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا" يعني اللي ربنا فرضه إنت مش مُخير فيه، ومخالفتك ليه معناه معصية، طب هيحصلك إيه وقتها؟ تضل، يعني اللي هتعمله ده ضلال، مفيهوش تزويق، ضلال مبين كمان . الحرية مفيهاش حرية مطلقة، إنت اختارت تموت ملحد فدي حريتك، وحريتي إني ممنحكش صفة من صفة خالقي ألا وهي الرحمة، لإن رغبتك الملحة في طلبها بتنفي عدم وجوده، ودليل ضمني على إنه فعلًا موجود، وإن الفكرة اللي إنت قائم عليها أصلًا باطلة، ودي أسوأ حاجة خليني أقول، إنتو مش بتحاربوا فكرة، كطرفين، إنتو بتمسكوا في رمزيات، بدل ما نعالج بنعمق، بدل ما نشوف إيه سبب التغير الفج ده، بنختلف ليه إنت تقول وليه إنت متقولش، لو دي حالة ففي زيها كتير، ولو هي ماتت بدون علاج نفسي غيرها حد ياخد بإيده ويساعده، ماتسيبوش الناس فريسة لأي حد يحشي دماغهم ويهلكهم .

Question

بنت بتشوفها يوميًا في كل شارع مصري، في كل مواصلة، شكلها سعيدة، لابسة لبس تقليدي لأغلب البنات المحجبات هنا، مين يصدق إنها تتحول 180 درجة كليًا بداية بقلع الحجاب، أنا بحثت عنها لإني معرفهاش أصلًا، وتوقعت إني لما أبحث هلاقيها من زمان وهي بحالتها اللي ماتت بيها، بس اكتشفت إنها كانت كدة لحد 2015، يعني من خمس سنين بس .  دخلت عندها على الإنستجرام من أول ما أنشأته، واضح إنها كانت بتقرأ عن حريات المرأة، وضد الأزهر، ومقتنعة إن الدين مش حل، وكانت متضامنة مع إسلام البحيري، لكنها كانت مؤمنة بالله عادي، وبتدعي لأهلها بإن ربنا يحفظهم .  خمس سنين بس، حولوا فتاة محجبة لفتاة شاذة جنسيًا، فتاة بتدعي ربنا يحفظ أهلها لفتاة ملحدة، و من صور تبدو فيها سعيدة إلى الانتحار، ده أعجب تغيير ممكن يحصل في حياة البني آدم، إنه يتحول لشخص تاني خالص هو نفسه ميعرفوش، سواء رغبة في الاختلاف، أو بحث عن حاجة بتمنحها آيادي وتبعد عنك آيادي تانية .  أنيس منصور في مقابلة زمان، المذيع سأله: شخص بيشتمك بس بيوجهلك انتقاد تقوله إيه، رد: انتقاده يحترم وعلى رأسي، لكن الشتيمة أنا مقبلهاش، لإنه من حقه وحريته إنه يختلف معايا، لكن مفيش حرية مطلقة، عشان تركب عربية لازم تكون مشتريها بفلوسك، ولازم لما تركبها تمشي بيها في شارع، ولما تمشي في شارع تمشي في أماكن محددة، مينفعش تمشي تموت في الناس، لإني زي ما قلت مفيش حاجة اسمها حرية مطلقة .  مشكلة المشكلة نفسها، إنك عايز تاخد حاجة إنت مش مؤمن بيها، الدين مفيهوش تفصيص، ولا فِصال، إحنا مش في سوق، اللي على مزاجك هتشتريه واللي مش عاجبك هتسيبه، في آية نادرًا لما بشوف حد بيتكلم فيها حتى الشيوخ نفسهم في سورة الأحزاب بتقول: "وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا" يعني اللي ربنا فرضه إنت مش مُخير فيه، ومخالفتك ليه معناه معصية، طب هيحصلك إيه وقتها؟ تضل، يعني اللي هتعمله ده ضلال، مفيهوش تزويق، ضلال مبين كمان .  الحرية مفيهاش حرية مطلقة، إنت اختارت تموت ملحد فدي حريتك، وحريتي إني ممنحكش صفة من صفة خالقي ألا وهي الرحمة، لإن رغبتك الملحة في طلبها بتنفي عدم وجوده، ودليل ضمني على إنه فعلًا موجود، وإن الفكرة اللي إنت قائم عليها أصلًا باطلة، ودي أسوأ حاجة خليني أقول، إنتو مش بتحاربوا فكرة، كطرفين، إنتو بتمسكوا في رمزيات، بدل ما نعالج بنعمق، بدل ما نشوف إيه سبب التغير الفج ده، بنختلف ليه إنت تقول وليه إنت متقولش، لو دي حالة ففي زيها كتير، ولو هي ماتت بدون علاج نفسي غيرها حد ياخد بإيده ويساعده، ماتسيبوش الناس فريسة لأي حد يحشي دماغهم ويهلكهم .

LOOL · Accepted Answer

كلام حلو بس مش مقنع و دا يدل على فراغه عقلك ... اطلع من اكاونتي و متدخلوش تاني.
و اخر حاجه متقولش صفة "خالقي" لانه مش خالقك لوحدك ماهو خالقنا كلنا(الا اذا كنت فاكر ان لكل دين اله لوحده )و هوا اولى انه يرحم او يعذب دا متوقف على مشيئته هو فقط ...