حبيبتي ضحى اني واحد خطبني بس مشهور ولاعب معروف واحنه بيناتنه اختلافات اهواي من ناحية العادات والتقاليد ويعني اكدر اكلج اكثر بناتهم وجناينهم سافرات وملابسهم يعني ممقبوله واني والله مريد اكذب عليج كلش محجبه ومانزع حجابي ودائما البس الملابس الي تلاءم حجابي واني خايفه خاف اوافق ويجبرني على شغلات اني ماحبه مثل انزع الحجاب ومن هل حجي فاريد نصيحتج فدوه ام اسد وحجي وياي وكانها سالفه ويه وحده من اخواتج

حبيبتي ولو صارلي كم يوم ايرد اجاوبج بس مديصير عندي مجال والكلام هوايه بس راح اختصرلج اول شي لازم هوه يحب شخصيتج واسلوب ستايلج معليج بخواته كل شخص حر بحياته وانتي حتاولي تتقبلين طبعه وهوه هم بنفس الوقت اشوف لو من هسه تفتحين وياه هذا الموضوع علمود لبس و هلسوالف وبالتفاهم مو بعصبيه علمود تعرفين من البدايه شنو يريد او ميريد وهوه هم يعرف انتي شنو رايده بالاخير ميكدر يجبرج على شي انتي متريدي لازم واحد يحترم رئي الثاني بالاخيو انتي مو اله فد مره عبالك رايحه لجامع شويه خلي لبسج عادي مو شرط شرط محجبه يعني شي راهم ويه حجابج مو من ذني المتعصبات بالدين والحجاب مادري اذا افتهمتي قصدي وبالاخير هوه اذا معاجبه ممجبور ياخذ وحده محجبه وهذا رئيي اعتبرتج اختي ودا انصحها