اااه سارة ريحيني الله يريحك، عندي بحث تسليمه الأسبوع الجاي ومع ضغط التكاليف في الماجستير تعرفي كيف أنت الضغط، ما بدأنا فيه جميعنا إلا الأسبوع الماضي وسلمناها مبحث، وأنا الآن حاسة بضغط نفسي مو طبيعي وحاسة بتشتت وكيف أصلا بتناول باقي مسائل البحث وأنا لمن أخاف ما أقدر أكتب تمام ااااه أديني حل شجعيني الله يخليك حل مو سطحي أنا فعلا بمأزق وأحس روحي محبطة

تبي حل صح؟ وجادة جداً صح؟ طيب اسمعي كلامي بحذافيره، وبحول الله بتجي الاسبوع الجاي تبشريني أول شيء: احذفي كل برنامج يشغلك، خليك على الواتس فقط. كل شي لاحقة عليه، إلا وقتك وبحثك له مدة محددة. بعدها إذا إنت من أهل الصباح فاجلسي على بحثك من بعد الفجر، سوي فطورك ولأ قهوتك وابدئي بحثك، لخد الظهر وخذي راحة الظهر كامل، وبعد ابدئي من بعد العصر لوقت نومك، وممكن تاخذي راحة المغرب. جوالك بعيد عنك لا تتشتتي ويشغلك. كل شوية كرري "الله الله ربي لا أشرك به شيئاً" و "لاحول ولا قوة إلا بالله" وكثفي دعوات في كل صلاة، ومامتك كمان اطلبي منها تدعي لك والله راح تشوفس العجب. بعدها امسكي مبحث مبحث، اجمعي المادة كاملة مع التوثيق في مسودة مجرد جمع وإحالة، بعدها افتحي ملف أنا دائماً اسمي الملف الثاني "شبه مبيضة" يصير أكتب المبحث وأعبر بكل شيء وأكتب من غير الرجوع لأي مرجع، بعدها أراجع وأفنده لنقاط أو تعداد وماشابه، ونروح للمسودة احضري كل مايدعم بحثك نسخ من المسودة لشبه المبيضة، اعيدي القراءة بشكل مكثف مرة ثانية وعدلي اللي يحتاج تعديل، وهكذا لحد ماتنتهي من كل المباحث، بعدها افتحي ملف "مبيضة نهائي" ورتبي ونسقي وانقلي من الشبه مبيضة للمبيضة. أهم مافي الأمر ابدئي ابدئي، لا تخلي هم ضيق الوقت يعطلك. واكتبي فقط المهم لا تستطردي أبداً، اضبطي نفسك حتى يتيسر البحث وتنجزيه في وقت قياسي. ياربي يطمن قلبك وتبشريني بكل خير