سؤال مجهول

سلام فيه موضوع ابغى اناقشك فيه .. بس اول شي انت ما تعرفني يعني لا تحاول تعصر مخك وتفكر انا مين كان واحد مسوي لك رتويت دخلت حسابك شفته ينقط حكمة قلت بس خلاص هذا هو لقيته الشخص اللي ينفع اتحاور معاه ... المهم سؤالي لكل انسان سعادته الخاصة اللي ربي خلقها عشانه ؟؟ يعني هل راح يجي اليوم الي افرح فيه زي بقية الناس ؟ لي ٧ سنين كاااااملة ما صار شي خلاني اطير من الفرررح وقلبي يخفق اشوف الناس والعالم حولي عايشين ومبسوطين وكل لترة يصير شي جديد بحياتهم وانا لأ اللي يتزوج والي يخلف والي يسافر ويعيش وانا لأ عمري ما حصلت هدية او احد حبني لشخصي او حتى اصدقاء ما عندي ... في هذي السبع السنين انا عبارة عن صفر على الشمال اليوم مناسبة صايرة في العائلة لشخص اصغر مني بكثير طيب وانا متى راح افرح متى راح اعيش !! يعني معقولة بس روتين بس تعب بس مشاكل بس خنقة هذي هي حياتي طيب الحزء الثاني متى عمري ٢٧ وليه ما شفت شي من الحياة تعبت والله تعبت المشكلة اني ما ابغى شي كثير وكبير ومستحيل ابغى شخص واحد في الحياة يحبني ويقدرني ويحترمني واسرة لطيفة خاصة فيني وحياة يعيدة وبسبطة بس ... اخاف اخاف افضل كذا وان شاء الله لأ ما استمر كذا واكني احياناً اقول هذه السبع السنين العِجاف بعدها بتجي سبع سنين من الرخاء اعتذر اني كدرتك كانت فضفضة لشخص يستطيع قراءة الأحرف وما بين السطور لا أكثر ... دمت بخير