سؤال مجهول

انا بقولكم وضعي وقصتي مع الحب والعلاقات وماعندي احد افضفض له فحبيت اقول قصتي للكل بما انكم مجهولين ' انا بنت عمري26 سنه حبيت واحد في احد البرامج المعروفه وتعمقنا في بعض وبدينا نهتم ببعض وكل يوم مانفارق بعض ابدا ولانغيب حتى دقيقه المهم عدت الايام الولد قالي بشوفك ارسلي صورتك انا كنت متردده وخايفه من هذي اللحظه لان فيني عيب خلقي اقدر امشي بس اعرج شوي وخايفه يشوفني ويتركني والله يشهد اني حبيته بكل قلبي واحساسي وصرت ابكي اذا تزاعلنا واتحسس من دونه المهم وريته شكلي وجلس يمدح فيني ويقولي كلام ومن هالنوع بس هو لسى ماشاف رجلي ولا مشيتي العرجاء / انا بمدينه وهو بمدينه ورحت لعندهم زياره وطلب انه يشوفني مع اني خايفه واول مره اقابل واحد واحبه فوقها حاولت شجعت نفسي وكلمت صديقاتي وجلسنا نتكلم وش البس وكيف اضبط مكياجي وممن هلكلام ورحت شفته وجلسنا4 ساعات وكلها غزل واحضان وحاجات كثير وشاف رجلي وماقال شي وكانه متصالح مع عيوبي المهم عطاني سماعته وعطره واغراضه ورجعني البيت وقبل ينام دق علي ويسولف معاي ونام ع صوتي وانا ماوصف لكم شعوررري ذاك اليوم والله كنت مبسوطه وفوق الغيم ونمت والابتسامه على وجهي لان مافي شخص تقبلني الا هو وكل اللي عرفتهم سحبو علي عشان شكلي وعيبي الخلقي صحيت ابغى اكلمه ثاني يوم لقيته معطيني بلوك من كل مكان مستوعبين ان هالشخص اللي يحبني واحبه والبارح متقابلين وجلس يبوسني فجاءة سحب علي تركني " انا مصدومه وصياح ومالي نفس لشي وابكي حتى صديقاتي ماكلمتهم واقول ليه ياربي كذا واتذكر انها خيره من الله عشان اترك هالامور وابتعد عنها وجلست صديقتي تكلمه وتسبه وتقول انت وانت وهو تبريراته مثل وجههه المشكله يابنات انه مو حلو نهائي ابدا بس انا حبيته بقلبي ماحبيته على شكله ويجي يتركني عشان اني عرجاء ومافيني الا هذا السبب ماقول الا حسبي الله عليك وعلى وقتي اللي ضاع مني عليك نصيحه مني يابنات لاتثقون باحد انا وثقت وحبيت وانكسرت وكل هالشي من قلبي الصادق ومايطيح الا الشاطر حبيت اعطيكم قصتي حتى لو اختصرتها بس عشان تفهمون