السلام ريم شلونج؟ انا انقلبت بالهندسة وكان بخاطري صج انّي أصير مهندسه بس إنجليزيتي مو اوكي وأهلي ورفسنجاني يحبطوني يقولون ماراح تمشين بالتخصص كلششش!! تهقين راح اقدر وشلون ادرس ابي من خبرتج🙏🏼💕 ومشكوووره

وعليكم السلام حبيبتي الف مبروك 💕💕💕 ماعليج من حجي الناس لان كلش مو شرط تكونين شاطره بالانجليزي عشان تمشين ماله علاقه .. تعرفين الاساسيات اثناء دراستج وبس ينتهي الموضوع .. الدكاتره العرب اساسا يشرحون بالعربي و يقطون كلمات بالانجليزي .. نصيحتي لج مواد علوم خبري فيهم اغلبهم انجليزي شرحهم ، اللي عليج الشي اللي ماتفهمينه ترجميه وانتهى الموضوع .. ناس تخرجو معاي وانجليزيتهم تعيسه 🙂 بس الجامعه تدربج وبتحسين نفسج شوي شوي بتصيرين زينه فيه 💕 .. توكلي على الله ولاتحاتين مالج شغل بالكلام .. طريقة الدراسه كلها تعتمد على تنظيم الوقت والخلق 😂 غصبي نفسج من يعطونج هوموورك من اول يوم تبلشين تحلينه وتدرسينه جنه وراج امتحان .. العاده يكون تسليمه بعد اسبوع بس نصيحه لااااا تاجلينه بتتوهقين ! بلشي حلي من اول ثاني ثالث يوم بالكثيير.. حتى لو الحل عندج كيفج عادي بس المهم تفهمين وتدرسين و اللي ماتعرفينه راجعي الدكتور عشان يحفظج عالاقل ويعرف انج صج قاعده تدرسين .. هذا يمشي مع كل المواد .. حزة الامتحانات ضروري تكونين مخلصه ودارسه الماده عالاقل مخليه ٣ ايام قبل الامتحان بس مراجعه.. و ضروري اهم شي بالحياه الامتحانات القديمه! مهمه حييييل بالذات حق مواد علوم لان شي يديد عليج ولازم تتعود ايدج عليهم .. بتحسين الموضوع صعب و يخرع اول شي بس حده بيصير عادي و تتعودين💕 .. شدي حيلج و فهمي نظام الدكتور شنو يبي و امشي عليه و مالج شغل بكلام الناس .. وامتحاناتج لما تيي وقت التصليح شوفي اغلاطج شنو وناقشيها مع الدكتور لان عادي السوال يتكرر بالامتحان الثاني وعادي يكون مصلح غلط 🙇🏻‍♀️ .. ولاتفكرين تعيدين مواد الا اذا اضطريتي حييييل .. وبس قرقت وايد 😂 شدي حيلج وتوكلي على الله وبالتوفيق يارب 💕