لجين احمل لك مشاعر بقلبي واخاف اصارحك تصديني ؟

اجل لا تقول عشان لا احرجك ✋🏻 في مره واحد سألني وقال كيف انا لو اتقدمت لك وانا في نظري انو انسان محترم.. انا حبيت اجاملو رغم فرق السن اللي بيني وبينو مش بس السن فقط، لا والله والذوق وحجم المسافة واشياء كثير، حتى على مااعتقد على مستوى معيشتي فـ حبيت والله يشهد اني اجاملو ماحبيت احرجو او اجرحو قلت له انت فيك الخير ومافيك اي عيب والف من تتمناك، الف مين تتمناه ايوه بس مش انا، بصراحه سلكتلو وقلت في خاطري لو لا قدر الله طلب وكان جاد رايحه اختلق له الف عذر وشوف كيف النية الطيبة تخدم صاحبها، بعد كذا راح خطب وخلاني احس اني كنت هذيك اللي ماصدقت يلمح لها، 😂 وراح حظها وطار بختها في البدايه اتحمقت من الموقف البايخ اللي حطيت حالي فيه وعدت .. بس هذا درس ليه قبل اي شخص انثى او ذكر، انو الواحد مننا لا يجامل على حساب نفسو ابدا هذي مش طيبة هذا غباء وبعدينا الكلام هذا مافيلو مجاملة، ومش كل من هب ودب بينفع لنا ومش كل من قال كلمة انفع لك، ولا احوبك، ولا اوعدك، صار لنا فعلاً ولا حتى نفكر انو نكن لهم محبه الموضوع هذا جد قبل اي شيء ولازم بيعدي على مراحل كثير واولها ان الشخص بيجي من الباب طبعاً لأن للبيوت ابواب ودا اذا اصلاً كان في قبول من الطرفين اكرر من الطرفين .. انا اسفه اتكلمت كثير بس انا وعدتكم اني اجاوب بكل شفافيه .