سؤال مجهول
كانت ومازالت في منزلة أختى، كنت عارفه انه بتحبه بس انا حبيته قبلها وكتمت حبه جوايا، وهو حب واحده تالته وخطبها وهى انهارت وانا كنت بواسيها وجوايا كان مش أقل منها انهيار، لكن محصلش نصيب لخطوبته ومكملش واتجدد الأمل تانى ورجعنا نحبه تانى وفى الوقت ده صارحها أنها زى أخته ومررت الأيام والسنين وهى اتخبطت سنه ومحصلش نصيب واتخطبت تانى لحد حرفيا كان بيحارب عشانها، أما أنا بصراحه معرفتش أبطل أحبه حاولت كتير لكن مقدرتش وكنت بدعى كتير لحد ماجه اليوم اللى اتقدملى فيه، كنت مش قادره أصدق وحسيت بمعنى كلمة طايرة من الفرحه، وبعد زيارة أهله وموافقة أهلى كان فاضل 3 أيام على فرحها، قررنا نأجل الخطوبة لبعد فرحها وبعدها بحوالى شهر، اتخطبنا وهى اتفاجئت ومباركتها ليه كانت بارده جدا وكأنها زعلانه منى ولحد دلوقتى مسحت رقمى وتقريبا بقينا أغرآب عن بعض بعد ماكنا أصدقاء جدا، أنا حزينه جدا على الحالة اللى وصلنلها ونفسى اتكلم معاها واخدها فى حضنى لكنى خايفه اوجعها أو اقلب عليها أحزان ومش عارفه أعمل ايه
- انتي مش عليكي أي لوم، هي اتخطبت وعاشت حياتها وهتتجوز اهي، وهو ربنا مزرعش جواه اي مشاعر ليها ودي حاجة مش ايده، ولا انتي حتى ف يوم من الايام خطفتيه منها او حاولتي تشديه ليكي.. محدش عليه لوم لا انتي ولا هو، وهي ربنا يتولاها.. ويااما فترة زعل وهتروح وهترجعوا كويسين ودا أشك، يااما خلاص علاقتكم دا وقت نهايتها