في ايه اكتر ممكن يحصل ..من ان الواحد يبقي شايف ان كل حاجه مالهاش قيمه..رغم انه بحاول يقنع نفسه بعكس ده ..الوضع ده نتج من اغلب اللى حواليا بيقللوا من شأن كل حاجه .. بقيت بشوف كل حاجه عديمة القيمه ..بعاني من جوايا كتير وبحاول اقنع نفسي انه لأ..واني ما اديش للناس السلبيه دى فرصه انها تدمر تفكيرى وطموحي ف كل حاجه عاوزه اشوفها بطريقتي ..دايما بشوف الحاجات من زوايا مختلفة و بيبقي عندى امل انى انفذها مهما كانت ..بس من كلام اغلب الناس عن كل حاجه بصفه عامه بقي ..ان كل حاجه بقت ماشيه واسطه ..وانتي هتعملى كذا ليه؟! ،، ما كله محصل بعضه ..مش فارقه !! 💔كلام كتير بيحبط ..وانا بقاوم ..وتايهه !هل فعلا ..اغلب امور حياتنا بقت كده !؟

بتكتبي ليه يا يمنى ! هتعملي ايه بالكتابة دي يا بنتي، هي الكتب دي يتجيب فلوس يا بنتي ركزي ف شغل كويس ينفعك ايه دا ! بتحضري كلينكال ليه ؟ يابنتي مفيش حاجة ماشية ف مصر صح اصلا، ملهاش لازمة دلوقت، ايه دا ! بتكتبي كده ليه ع الفيس ؟ يابنتي اعقلي عشان تعرفي تتجوزي ! مبتتجوزيش ليه، افضلي كده اتنططي وبكرة تندمي ! ايه دا بتشتغلي ف صيدلية ، هو دا أخرك يا يمنى، ناوية تكملي قاعدة ف الحسينية ، راديو ؟ يابنتي ركزي بقى انتي كلها كام شهر وتتجوزي ويبقى بيتك وجوزك هما اهم حاجة .. ها اقولك كمان من كلام الناس وبيأثر ع فكرة.. وكل فترة طاقتي بتخلص ف مقاومته وبروح لناس معينة اعيطلهم وهما يسندوني ويشحنوني تاني واكمل، ويجي الناس يسمموني فطاقتي تخلص فاروح لنفس الناس المعينة اعيطلهم فيشحنوني وهكذا وهكذا ..