سؤال مجهول
ازيك ، كنت عايزة احكيلك عن حاجه بتأنبني بقالها فتره كبيرة وهي اني كنت صغيرة واعرف واحد وكنت بجرب وقتها الحب والارتباط وكان كل ما يحاول يفكر انه يسبني اقوله اني هعمل عملية و اني تعبانه وعندي مشاكل في ضهري وبتاع زي اي عيِلة بتفتي وتشوف غلاوتها عند الشخص ده انا حاليا بقا عندي٢٠ سنه وضهري حرفيا مبعرفش اقعد زي اي انسان طبيعي ١٠ دقايق ع بعض وعندي مشاكل فعلا في الفقرات القطنيه وحاسه انالدكتور شاكك في حاجه بس لسه مستنيه نتيجه الاشاعه ، فهل ده يبقي عقاب من ربنا ليا ع اللي كنت بعمله زمان برغم وقتها كنت بعمل كده مش بدعي المرض لا خالص والله بس كان عندي فهم اني لما هعمل كده الشخص ده هيحبني اكتر ..
هي الغلطة حاجتين : أولا إن دا كذب والكذب حرام وملوش مبرر غير ف حاجات معينة حددها الشرع ثانيًا ان الامر بتزداد حرمانتيه لما اكذب لغرض الوصول لشيء معين زي انه ميبعدش عنك وهكذا ! طيب مرض ضهرك حاليًا عقاب من ربنا ولا لاء ! هذا يقع وحده ف علم الغيب.. هل هي مجرد صدفة او عقاب محدش يعرف بس دا كله لا يهم.. الشيء الواقعي والحقيقي الموجود حاليا "انه ابتلاء" من الله يختبر به ايمان العبد، يتوب بقى او يكفر عن ذنبه او يخليه ينتبه لل عمله زمان زيك كده، او يشوفه هيصبر ع المرض ولا يجزع فيسلب منه حسنات المرض.. هذا هو المهم : المرض صفحة بين العبد ونفسه يحاسب نفسه ع مافات ويصبر ع الحاضر ويعدل من نفسه للمستقبل
١ ❤︎ إعجاب