mohamed almaghraby

لازم لازم تسيب هذا الشغل فورا وتشوف شغل تاني بعيد عن هذا المكان وافتكر قول الله تعالي ( ومن يتق الله يجعل له مخرجا ويرزقه من حيث لا يحتسب ) وقال تعالى ( وتعانوا علي البر والتقوى ولا تعاونوا علي الإثم والعدوان) ف شوف شغل تاني يا حبيب واحذر ان تموت وانت بتشتغل في هذا المكان وافتكر ( ان من ترك شيئاً لله عوضه الله خيرا منه)

حصل خير يا حبيبي ومالوش لازمه الكلام ده وحصل خير و ابقي رن عليا لو عاوز تكلمني عشان قفلت سوشيال وكده ومفيش حد ضامن عمره يعني وانا مش زعلان منك و حصل خير يا حبيبي و ربنا يكرمك ويوفقك ويسعدك في حياتك يا حبيبي ♥️

بعيدا عن الاستغلال بتاع صاحب التوكتوك ده ، مينفعش أصلا تركبِ مع شاب ف توكتوك وحتي لو متأخره مينفعش و لو حصل نفس الموقف دا تاني قولي لصاحب التوكتوك مينفعش ولو صمم انزلي من التوكتوك . والحمد لله ان الشاب ده طلع عندو حياء وقال مينفعش وربنا يهدي صاحب التوكتوك ويهدينا جميعا

وعليكم السلام . لو استنيتي عربيه تانيه يبقا افضل طبعا لكن لو مستعجله وخلاص مفيش وقت وكدا مفيش مانع واقعدي وخد جمب وهوا لو شاب قليل الادب لو فكر يعمل حاجه يعني 😂بالكوتشي وفوق دماغه . هذا والله أعلم

وعليكم السلام ورحمة الله وبركاته، جزاكِ الله خيرا الجزآء علي الكلام دا وعاوز اقول اني مستاهلش كل الكلام دا بجد والله مش كلام وخلاص وانا كنت سبب صغير بس مش اكتر و اللهم اهدنا واهدِ بنا واجعلنا يا رب سبباً لمن اهتدى اللهم استعملنا ولا تستبدلنا واغفر لنا التقصير يا رب

السلام عليكم ورحمة الله وبركاته ، ربنا بيفضل يستر مره و اتنين وتالته وعشره وبتيجي ف مره ستر ربنا يروح من عليكي لي لإنك بتفضلي تعملي الذنب ومصممه انك تعملي بس ف حاجه عجبني اوي شوفي حرقت قلبك دي توبه شوفي ازاي بقا ربنا رحيم بينا رغم ان احنا بنعصيه بس عاوز اقولك مفيش حد ملاك ولا نبي فينا بس الشاطر الي يعمل الذنب من هنا ويتوب بعدها ع طول وعاوز اقولك سبب انك متمسكه بالذنب اوي كدا انك انت بتقعدي مع حد مش كويس مثلا او بقيتي بتسمعي اغاني مبقاش ف ورد قرآن كل يوم زي زمان مبقاش ف اذكار صباح ولا مساء دي بتبقا بدايه انتكاسه ، وعاوز اقولك حاجه ممكن اطول ف إوعي تزهقي واسمعي كلامي وهقولك الحل ف الاخر وعن تجربه والله ، أنا اكشتفت ان لما الانسان يبعد البيئه المحيطة بالدين والايمان المعاصي بتاخدوا مره ورا مره لحد لما يلاقي قلبه بقي كله فساد وحياتو بقيت متلغبطه ، لكن القرب من الله سكينه و هدوء بجد تحس انك مرتاح بطريقه مش طبيعيه احنا بنعصيه كتير ومع ذلك لما بنقرب مش بنلاقي احن منه علينا ف اوعي تسيبي نفسك ل شيطان وزي ما قولتلك لو عملتي الذنب مليون مره توبي مليون مره وعاوز اقولك حاجه اعمليها امسحي رقم اي بنت مش كويسه ف حياتك مش بتفيدك ب حاجه ف يومك مش بتبعتلك درس تقولك اسمعي الدرس دا مش بتبعتلك تقولك ما تسمعي السوره دي بصوت كذا هل ف حد حياتك كدا أنا عملت كدا ودا فرقت معايا جدا وخليكي انتي صالحه ابعتي لصحابك الي عندك بعد ما تمسحي الناس الي مش كويسه الي عندك سيب ناس قليله ع الفون بس تكون ناس نضيفه فعلا ولو حبه ابعتلك صفحه بنت ملتزمه تكلميها وتبقي انتي وهيا صحاب وتساعدوا بعض انتي وهيا أنا معنديش مانع خالص وخدي الحل بقا عشان أنا طولت فعلا 😂 اسف ، ادعي كتير وانت بتصلي ان ربنا يساعدك ويقويك انك تبعدي عن الذنب دا قولي يارب ساعدني ان ابعد عن الذنب قولي كرهني ف هذا الذنب وساعدني و اعني يارب يارب أنا بحبك خد بايدي ادعي كتير والله دا هوا الحل وعن تجربه و آخر حاجه بقا تقومي دلوقتي تصلي ركعتين توبه كدا وتدعي لنفسك كتير و ابقي ادعيلي معاكي ، و اللهم اهدنا ولا تجعل الدنيا كل همّنا واجعل الآخره هي همّنا يا الله و ارزقنا الثبات والتوبه دائما بقلب شغوف يعشق القرب منك يا ارحم الراحمين