"طبعـا في قلبها تحسابه فهم عليها ويحبها" محمد:بيش تعـرفي صاحبك وخوك كيف معاك🙂😂 أية:اهاا،اي صح💔💔 أية:كلامك يمكن صح💔🙎 محمد:مش يمكن أكيد😂🙂🙁 أية:معناته،لو كانت الدوة مزبوطه علاش مش مخليني ع راحتي قصدي علاش حمقت!💔 محمد:ما قتلك مش ح نسيبك لـ شخص مايستاهلش حبك،هكي نبي اني،مش ساهله نخليك تمشي لأي واحد هكي مانرتاحش💔 ايـه: اها كويـس 😊❤نجـك ليا محـمد: وليـا ايخليـك ربـي 💛 ايـه : واااااك بوي قعد ماجاش 🎵 محمد : اتصلي بيه. ايه : تمام ايه : الوووو بابا كيف حالك ابراهيم :نعم باهي وانتي ايه : تمام قتلك هيا كان بتجيني ابراهيم : اطلعي هي اني وصلت ايه : حاضر فصلت ايه لخط وطلعت وقالت لـ محمد باي 💛ودير بالك ع نفـسك ومشت طبعـا ركبت ف سياره. وقعدت تهدرز هي وبوها 🎵 ابراهيم: هي انزلي وصلتي ايه : انا نازله ههههههه 😂 ابراهيم قعد يضحك وطلع🌼 ايه : سلام عليكم يا عيله مريم : وعليكم سلام وصلتي ايه :اي وركبت لـ دارها بسرعه مريم : لبنت هذي متعبتني وقعدت تضحك ايه. اتصلت بـ شهـد شهـد : ايووه ايه : اهلين شهد : شن الاخبار وشن صار فيك ايه : تمام بخير هههه ايغار عليا طلع شهد : هههههه به شن درتي باش كشفتيه ايه : قتله صاحبتي تبيني لخوها ولع فيا زعمك ايحبني شهد : شن ردت فعله وشن قالك هوا ايه : ردت فعله. وضحه متع انه ايحبني ومخبي عليا. قالي نبي نختارلك راجل كويس واخلاقه كويسه ومش اي راجل ايناسبك ويبي يتعرف عليه قبل. فهمتي شهد : امممم قصتكم معقده شوي الموهم هي سلام ايه : وين شهد : عندي قرايه بنرتب داري ايه : يلا سلام طبعآ ايه رقدت ع سرير وقعدت تفكر ف كلام محمد وتبكي ع نفسها قعدت بين نارين عنـد محمد محمد طبعآ روح ومشي عند صاحبه صاحبه اسمه احمـد. مواليد 1992 واهله متوفين. وتربه ف لميتم. لعند ما كبر وستقر ف حياته طرف مش عادي وانيق ولبنات لكلهم يجرو عليه ويحب وحده اسمها ساره مووت طبعآ صاحب محمد المقرب وكل اسرار محمد عنده هوا احمـد : اهلين بـ عشيري محمد : هلا بـ برو احمد : شن اخبارك يا غالي محمد : تمام بخير وانت احمد : الحمدالله شن جديدك محمد : قعد نفس ماانا احمد : ربي ايفرجها عليك وخلاص محمد : انشالله 😊 طبعـآ قعدو ايهدرزو ويلعبو ف لكارطه ان اتصلت ساره احمد : شوي ونجيك. محمد : وين وين احمد : لكبيده تتصل محمد : اها عندك حق هههههه طبعـآ احمد امشي ايكلم ف ساره ومحمد. تفكيره لكله مع ايـه احمد : انا جيت محمد : احلا جيه 💛 محمد :احمد احمد : نعم محمد : بالي مش معاك بالي مع ايه احمد : مش قلت مانحبهاش ونعتبر فيها اخت محمد : مش عارف لكن معجب بيها وبتصرفاتها ومش قادر نصارحا 💛نخاف نلقها معجبه بحد تاني احمد : لبنت واضح علها تحبك وتبي تصارحك لكن خايفه محمد : زعما احمد : اكيد محمد : هي سلام احمد : وين وين اقعد اشرب قهوه محمد : هداكا هوا بنوض نروح نصلي ونرقد شوي عيت احمد : اها باهي زيد غادي طبعآ محمد امشي وصل لحوشهم محمد : امي امي افتحي لباب نجيه : إسراء افتحي لخوك إسراء : ماعنديش خوت انا نجيه : طيح سعدك ع سعد وخلاص 😂 إسراء : طايح ليه هلبا. وناضت فتحت لباب محمد : تي باهي الي فتحتي إسراء : اخطاني بالله عليك محمد : ضمي فمك خير مانجي نكسره 😡 طبعآ محمد واسرارء مايتفاهموش بكـل ديمه يتعاركو إسراء : قعدت دودو وامشت محمـد : قعد يضحك وقلها لسانك يبي لقص إسراء : طالعت لسانها ومشت طبعآ محمد اقرب حد ليه ف عيلته اميـره. اميره : حموده جيت محمد : اي كيف وصلت توا اميره : نديرلك قهوه. تبي حاجه محمد : لالا صحيتي اميره : ههه باهي ومشت محمد : اميره استني نبيك ف موضوع اميره : قعمزه وقتله هـي هدرز. محمد : قتلك اميره : شن قتلي 😂 محمد : فـي وحد تقدملك طبعـآ اميره نصدمة مش متوقعه ان محمد لحزار ايهدرز عليها ف موضوع زي هدا محمد : خيرك نصدمتي اميره : قعدت تتمتم. لا شيي طبعآ. الي تقدم الي اميـر اسمه حسام مواليد 1991 شكله معقول حالته لماديه فوق اريح محترم ايصلي. ويحب اميره موت. وامه اسمها فاظمه وبوه محمد وماعنداش خوات 🎵 ونتـبع لحلقه 3 غـدآ

Anonymous